სტუდია Summit Entertainment აწარმოებს მოლაპარაკებებს ბენ ქინგსლისთან სამეცნიერო-ფანტასტიკური რომანის „ენდერის თამაშის“ ეკრანიზაციაში მონაწილეობაზე. 67 წლის მსახიობს შესთავაზეს ომის ვეტერანის როლი. ორსონ სკოტ კარდის რომანის სიუჟეტი ვითარდება შორეულ მომავალში. დედამიწის მოსახლეობამ გადაიტანა უცხოპლანეტელების ორი შემოჭრა და ახლა მესამე თავდასხმის მოლოდინშია. კაცობრიობის გადასარჩენად იქმნება სპეციალური სკოლა, სადაც განსაკუთრებული ნიჭით დაჯილდოებულ ბავშვებს პატარობიდანვე შეასწავლიან სამხედრო ხელოვნებას.