ფილმის ვარსკვლავმა და შეთავსებით პლანეტის ყველაზე სექსუალურმა მამაკაცმა ბრედლი კუპერმა პოპულარული კომედიის მომავალი ტრიკველის ზოგიერთი დეტალი გაამხილა. „ პირადად მე ძალიან მინდა ამის გაკეთება. იმედი მაქვს, რომ გადაღებები დაიწყება სექტემბერში. შემიძლია დავადასტურო, რომ ტოდ ფილიპსი მთელი დატვირთვით მუშაობს ფილმის სცენარზე“-თქვა მსახიობმა „ჩემი აზრით პირველი ორი ფილმის სიუჟეტური ხაზი ცოტაოდენ მობეზრდა კიდეც მაყურებელს, ამიტომ მესამე ნაწილი იქნება სრულიად განსხვავებული და დაასრულებს ტრილოგიას“- დაამატა კუპერმა. ასევე მსახიობმა ახსენა, რომ სავარაუდოდ მესამე ნაწილის მოქმედება განვითარდება ლოს-ანჯელესში. შეგახსენებთ, რომ თავის როლებს კომედიაში დაუბრუნდებიან ზაკ გალიფიანაკისი და ედ ჰელმსი.