სტუდიამ 20th Century Fox განაცხადა, რომ სერიალის „24 საათი“ სრულმეტრაჟიანი ვერსიის გადაღებები შემდეგი წლის აპრილში დაიწყება. მთავარი როლის შემსრულებელმა კიფერ საზერლენდმა დაადასტურა, რომ მზად არის თავის პერსონაჟის დიდ ეკრანზე გარდასახვისთვის. მარკ ბომბეკს სცენარის დასრულება წლის ბოლოსთვის აქვს დაგეგმილი. შეგახსენებთ, რომ სერიალი 2001 წელს გამოვიდა. სიუჟეტის ცენტრში გამოგონილი სპეცსამსახური და მისი თანამშრომელი ჯეკ ბაუერია. სერიალი 8 სეზონისგან შედგება და ორი „ოქროს გლობუსის“ მფლობელია.